Gerb Bayroq Madhiya Davlat mukofotlari Bosh sahifa Mobil versiya Sayt xaritasi Forum
Хоразм вилоят хокимлиги расмий веб сайтига хуш келибсиз!   Click to listen highlighted text! Хоразм вилоят хокимлиги расмий веб сайтига хуш келибсиз!
Матнни тинглаш!
0(362) 223-00-18
Ish tartibi 900 - 1800
  • xorazm.uz

    Yurtboshimizning tabiri bilan aytganda, Xorazm «O‘zbek davlatchiligining ilk tamal toshi qo‘yilgan muqaddas zamin!». Insoniyat tamadduni o‘choqlaridan hisoblanmish bu ko‘hna yurtdan ne-ne buyuk allomalar, qomuschi olimlar, ahli donishlar, avliyo-anbiyolar yetishib chiqgan.

  • xorazm.uz

    Istiqlol tufayli yurtimizdagi qadim shaharlar va qal’alar, madaniyat o‘choqlarini ko‘rish, ziyorat qilish uchun yetti iqlimdan kelayotgan sayyohlarning soni yildan-yilga oshmoqda. Jahon bizning mo‘tabar yurtimizni ko‘rishga orzumand!

  • xorazm.uz

    2017-2018 yillarda Xorazm viloyati sanoati salohiyatini rivojlantirish dasturi amaliyotga allaqachon tatbiq qilinayotgan ulkan qurilishu ta‘mirlash, eng zamonaviy asbob-uskunalar keltirish, kerakli mutaxassislarni o‘qitish, o‘rgatish jarayoni jadal yo‘lga qo‘yildi.

  • xorazm.uz

    Xalqimiz dasturxonining fayziyobligi, bozorlarimizning to‘kinligiyu oziq-ovqat mahsulotlarining serobligi, arzonligi, bir so‘z bilan aytganda yurtimiz farovonligi bobodehqonlarimizning mehnati mahsulidir. Xorazm voxasi qishloq xo‘jaligi soxasida xam yetakchilardan hisoblanadi.

Fotoalbom

» Barcha fotoalbomlar

Videoteka

» Barcha video fayllar

Tarix

Хоразм: Кеча ва бугун
Хоразм ўзининг қадим тарихи, бой маданиятига эга бўлган Ўзбекистондаги эътиборга молик ҳудудлардан биридир. Инсониятнинг илк ёзма ёдгорликларидан бири ҳисобланган зардуштийликнинг муқаддас китоби “Авесто” шу диёрда яратилган. Бундан уч минг йиллар илгари ҳам Хоразмнинг ўз ёзуви мавжуд эди. Батафсил...


Хоразм ҳақида битиклардаги илк ёзувлар. ДОРО I нинг Беҳсутун битиги
(ерамиздан аввалги 521-486 йиллар)

Ушбу битик Карманшоҳ яқинидаги денгиз сатҳидан 152 метр юқорироқда бўлган Беҳсутун қоясига ўйиб ёзилган. Битикнинг юқорисида улкан барелеф мавжуд. Унда тўққиз нафар шоҳ ва уруғларнинг бошлиқлари қўллари боғланган ва бўйинларига сиртмоқ солинган ҳолда Доронинг олдида тургани тасвирланган. Уларнинг ўнинчисининг устига шоҳ оёғини қўйиб турибди. Битик беш устун ва 414 сатрдан иборат. У уч тилда битилган (елам, бобил ва эски форс тилларида). Батафсил...



SAMARALI MULOQOT TADBIRI
10.06.2017

SAMARALI MULOQOT TADBIRI

Yoshlarimizda mamlakatimizda siyosiy, ijtimoiy hamda iqtisodiy sohalarda kechayotgan islohotlarga nisbatan dahldorlik tuyg‘usini o‘stirish, faol fuqarolik pozitsiyasini tarbiyalash jamiyatimiz oldida turgan dolzarb vazifadir. O‘zMTDP barcha bo‘g‘in tashkilotlari tomonidan mazkur vazifani amalga oshirishga yo‘naltirilgan juda ko‘plab ma’rifiy-mafkuraviy tadbirlar o‘tkazilmoqda. Partiya Xorazm viloyat Kengashi "Yoshlar qanoti” tomonidan "Deputat bilan yuzma yuz” loyihasi doirasida "Deputat va yoshlar” mavzusida tashkil etilgan muloqot tadbiri shular jumlasidandir.

Unda Oliy Majlis Qonunchilik Palatasi spikeri o‘rinbosari Sarvar Otamuratov, Xalq deputatlari viloyat, shahar va tuman Kengashlariga O‘zbekiston "Milliy tiklanish” demokratik partiyasidan saylangan deputatlar, partiya faollari, Urganch shahridagi 9-son "Gulzor” mahalla fuqarolar yig‘ini aholisi, talaba yoshlar hamda ommaviy axborot vositalari vakillari ishtirok etdilar.

Jonli muloqot tarzida tashkil etilgan mazkur tadbirda turli darajadagi vakillik organlariga O‘zMTDP saylangan deputatlar tomonidan bugungi kunda "Xalq bilan muloqot va inson manfaatlari yili” Davlat Dasturi, O‘zbekiston Respublikasini yanada rivojlantirish bo‘yicha Harakatlar strategiyasi hamda Prezidentimizning ma’ruzalaridan kelib chiqib amalga oshirilayotgan ishlar xususida atroflicha so‘z yuritildi.

Tadbirda so‘zga chiqqan Oliy Majlis Qonunchilik Palatasi spikeri o‘rinbosari, O‘zbekiston "Milliy tiklanish” demokratik partiyasi Markaziy kengashi raisi Sarvar Otamuratov Konstitutsiyamizda "Davlat xalq irodasini ifoda etib, uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida mas’uldirlar.”, degan moddaning mavjudligi mamlakatimizda inson va uning qadr-qimmati, manfaatlari mamlakatimizda eng yuksak qadriyat sifatida e’tirof etilishidan dalolat ekanligini ta’kidladi.

"Xalq bilan muloqot va inson manfaatlari yili”da fuqarolarimizning manfaatlarini o‘rganish va ro‘yobga chiqarish deputatlar oldida turgan birlamchi vazifadir, –dedi o‘z so‘zida Sarvar Otamuratov. –Yurtdoshlarimiz manfaatlarining ro‘yobi ularning turmush farovonligini ta’minlashi barobarida mamlakat taraqqiyotiga xizmat qiladi. Shu boisdan ham Oliy Majlis Qonunchilik Palatasi deputatlari har oyda 10 kun davomida joylarga chiqib aholi turmush sharoitini o‘rganmoqdalar, qishloqlarda ijtimoiy hamda iqtisodiy taraqqiyotimizga xizmat qiluvchi qonunlar, davlat Dasturlari, Hukumat qarorlarining bajarilishi yuzasidan nazoratni amalga oshirmoqdalar. Shu kungacha Oliy Majlis Qonunchilik Palatasidagi O‘zMTP fraktsiyasi a’zolari viloyatning Qo‘shko‘pir, Shovot, Gurlan, Xiva hamda Bog‘ot tumanlarida bo‘lib xonadonma-xonadon yurib aholi bilan suhbatlashdilar. Ularni qiynayotgan juda ko‘plab muammolarni ijobiy hal qilishga muvaffaq bo‘ldilar, aholi turmush farovonligi hamda tumanlar ijtimoiy-iqtisodiy taraqqiyotiga o‘z hissalarini qo‘shdilar.

Tadbirda ta’kidlanganidek, mamlakatimizda ijtimoiy-iqtisodiy sohalarda kechayotgan islohotlarni hayotga tatbiq qilish ishida yoshlar ham faol ishtirok etishlari, ayniqsa, O‘zbekiston Respublikasining "Yoshlarga oid davlat siyosati to‘g‘risida”gi qonuni ijrosini nazorat qilishda, muammolarni aniqlashda partiya deputatlik korpusiga yaqindan yordam berishlari lozim.

Tadbir davomida deputatlar yoshlarni qiziqtirgan juda ko‘plb savollarga atroflicha javob berdilar.

Firdavs Dadaxonov, Toshkent Axborot texnologiyalari universiteti Urganch filiali talabasi: Men fuqaro sifatida jonajon O‘zbekistonimiz ravnaqiga o‘z hissamni qo‘shishni, fuqarolik jamiyatini barpo etish ishida faol ishtirok etishni istayman. Ushbu muloqot biz yoshlarga o‘zimizni qiziqtirgan juda ko‘plab savollarga javob topishimiz uchun etarlicha ma’dumot berganligi, siyosiy hamda huquqiy bilimlarimizni oshirishda katta ahamiyat kasb etganligi bilan samarali bo‘ldi.

Alisher RAHMONOV,

O‘zMTDP Xorazm viloyat kengashi

matbuot kotibi.