Prezidentimizning “Urganch shaxrining bosh rejasini amalga oshirish, obodonlashtirish ishlarini va Xorazm viloyati aholisining ichimlik suvi ta‘minotini tubdan yaxshilash chora-tadbirlari to‘g‘risida”gi Qaroriga muvofiq viloyat markazida ulkan qurilish, rekonstruktsiya ishlari izchil ravishda olib borilayapti. Al-Xorazmiy, A.Bahodirxon va boshqa ko‘chalarda, mavzelarda, mahallalarda yangidan muxtasham binolar qad rostlamoqda. Urganch Markaziy dehqon bozori va uning atrofidagi xududda ham qayta rekonstruktsiya, obodonlashtirish ishlari jadal sur‘atlar bilan davom etayapti. Bir paytlar pastqam, bir-biriga zich qilib kurib tashlangan, xaridor va sotuvchi uchun noqulay bo‘lgan do‘konlar o‘rnida zamonaviy savdo shoxobchalari bunyod etildi. - Qisqa vaqt ichida bu hududda qurilgan savdo shoxobchalaridagi xizmat ko‘rsatish, qulayliklardan mamnun bo‘ldim. Urganch shahrida oltmish yildan beri istiqomat qilaman, mehnat faxriysiman. To‘g‘risi, bugun shahar bo‘ylab sayohat qilishga qo‘shnilar bilan tez-tez chiqamiz. Dehqon bozori yaqinida qurilgan binolar, ularda sotilayotgan mahalliy mahsulotlar barchaga ma‘qul bo‘lmoqda, - deydi Gulchehra opa Ibodullayeva. Markaziy dehqon bozori va uning atrofidagi qurilish ishlari jadal sur‘atlar bilan davom etmoqda. Viloyat bozor savdo uyushmasi mas‘ul xodimlarining qayd etishicha yil oxirigacha yana 20 ta do‘kon qurilib foydalanishga topshiriladi.