Тиббий воситалар энди ўзимизда тайёрланади

Янгибозор туманидаги Чўболончи қишлоғида йилига 40 миллион дона тиббиёт момиқи ва стерилланмаган бинт ишлаб чиқариш қувватига эга корхона иш бошлади.

Умумий қиймати 2 миллиард 370 миллион сўмлик мазкур лойиҳа доирасида барпо этилган корхонага хориждан 987 миллион сўмга ускуна ва технологиялар келтириб ўрнатилди. Илғор технологиялар билан жиҳозланган ушбу замонавий корхонада ишчи-хизматчиларнинг самарали фаолият юритиши учун барча шароит яратилган. Корхона ҳудуди, атрофида катта хажмдаги ободонлаштириш ишлари амалга оширилган.

– Корхонамизда йилига 40 миллион дона сифатли тиббиёт момиқи ва стерилланмаган бинт ишлаб чиқарилади, – дейди “ELINZA ” ишлаб-чиқариш ва савдо фирмаси раҳбари Йўлдош Эрназаров. – Маҳсулотимизни ички бозордан ташқари Россия  давлатига экспорт қиламиз.

Завод ишга туширилиши билан 10 киши доимий иш ўрнига эга бўлди. Уларнинг 80 фоизи хотин-қизлардир.

Корхона очилишида вилоят ҳокими Ф.Эрманов қатнашди ва сўзга чиқди. 

Хоразм вилояти ҳокимлиги Матбуот хизмати